كشف المهندس مصطفي حبيبة خبير تغذية و انتاج الحيوان بالبرنامج الانمائي للامم المتحدة بمصر عن عدد من النصائح لذبح أضحية العيد، وقال: حتدبح خروفك في بيتك تتبع الخطوات التالية وهي 10 شروط:
- متديش الخروف اي علف لمده 14 ساعة بس لازم يشررررب ماية برااااحته خالص… عارف ليه ؟؟ علشان تقلل الفضلات فى أمعائة وتسهيل عملية السلخ. ?
- سكاكينك و صواتيرك تكون حاااادة و نظيفة جدا.
- إستقبال القبلة و سمي الله… و علي فكرة لوووو حد مسيحي جزار يعني دبح عاااادي جدا حلااااال.
قال الله تعالي…. ( اليوم احل لكم الطيبات و طعام الذين اوتوا الكتاب حل لكم و طعامكم حل لهم. ) سورة المائدة الايه رقم 5 .
و المقصود بطعامهم…. هو ذبائحهم.
- عند الذبح لازم التأكد من قطع الأوردة والقصبة الهوائية والمرىء لسرعة خروج الدم وإراحة الحيوان.
- اوعي تفصل رأس الحيوان حتى تمام عملية خروج الدم … احنا بنشووووف العجب في شوارع مصر… الجزارين بتقتل الحيوان مش بتدبح! ?
- بلاش و النبي حكاية النفخ بالفم دي! .. لو ايز تنفخ في حضرتك منفاخ افضل و اسهل…. كفاية امرااااض! ?
- خلي بال حضرتك و انت بتشيل الكرش و الامعاء و خد بالك احسن يتقطعوا و تلوث لحم الخروف بتاعك! ?
- لما تسلخ متنساش تغسل الخروف كويس بماء جاااااري….
- خد بالك من الكبد كويس اووووي و اعمل شق و اثنين كده في الكبد و شوف ديدان الفاشيولا…. و اتاكد من نظافة الكبد… ?
- لما تدبح و تخلص…. حضرتك تقطع اللحمة بسررررعة و تحطها في كياس جديدة… بلاش الاكياس القديمة اللي الحاجة شيلاهم للزمن دي!
و بلاش اللحمة في التشط كده طوووول اليوم…. التشط للغسيل حضرتك مش للحوم! ???
شارك هذا الموضوع :
