قال الحاج حسين عبدالرحمن ابوصدام نقيب عام الفلاحين ان الحيازات اقل من فدان بلغت 2 مليون , و 143 الف و888 حيازة بينما بلغت الحيازات فدان فاكثر مليون , و 68 الف , و 634 حيازة .فكيف يعيش من يملك فدان وجاموسه وست عيال في مصر الان لافتا ان زراعة فدان قطن هذا العام يبدأ من اول ابريل وينتهي في نوفمبر لمدة ثمانية اشهر يتكلف اكثر من 12 الف جنيه تبدأ بحرث الارض وتجهيزها للزراعه واحضار شيكارة تقاوي ب300 جنيه ومبيدات تخلط بالتقاوي ب70 جنيه ويتكلف الفدان 4 شيكارة اسمده اثنين من الجمعيه ب160 جنيه للشيكاره واثنين من السوق الحره الشيكاره ب280 جنيه وتبدأ عملية العزيق والخف والرش التي تتكلف الرشه الواحده مبيدات ل500 جنيه وبعد كل هذا الشقا والتعب ينتج الفدان 7 قناطير سعره القنطار 2700 جنيه ولا يجد الفلاح الان من يشتريه يجمع فدان القطن علي مرتين كل مره حوالي 30 عامل العامل ب100 جنيه اي 6000 جنيه لم نحسب ايجار الفدان الذي يصل الي 8 الاف جنيه او اجرة صاحب الزرعه طوال ال8 اشهر .
واضاف ابوصدام لو حسبنا مصاريف يوم واحد لهذا المزراع باولاده صادف انهم اتغدوا لحمه والافطار ومصاريف العيال تترواح من 2 جنيه للواد اللي في الابتدائى لعشره جنيه للبنت اللي في الكليه ودا اقل حاجة يعني علي الصبح 6في6 ب36 جنيه ووجبة افطار عيش وفول وطعميه بعشرين جنيه تعالي لوجبة الغداء كيلو لحمه 110 كيلو طماطم ب10 جنيه كيلو بطاطس بعشره جنيه كيلو رز ب10 جنيه سلطه ب5 جنيه مش انحسب عيش وزيت وشاي وسكر وسمنه خلينا في 135 جنيه نروح للعشا قول ب20 جنيه غير ان هذا المزارع بيقعد طول الليل يحسب مصاريف الكهرباء وانبوبة البوتجاز ولو عيل اصابه مرض حتي ولو برد غير مصاريف الغسيل والاستحمام صابون ومنظفات ويا سلام لو عند حد قريبه مناسبة فرح او ميتم او اصابه حادثه وعايز يؤدي واجب .
واوضح ابوصدام ان مصاريف الجاموسه لا تقل الان عن مصروف بيت مع ارتفاع اسعار الاعلاف وتكلفة العلاج والادويه البيطريه علاوة علي النظافه تحتها يوميا لو حسبنا بس اجرة واحد يراعيها ب1500 جنيه في الشهر مضيفا:”يبقي مفيش حاجه اتخلص الفلاح غير تقليع الشعر”.
شارك هذا الموضوع :
