شدد الرئيس السيسي على أن الأراضي التي أخذت بوضع اليد من الدولة ستعمل على تقنينها: ” الفلوس هاخدها كاش، ومش هعمل محور يكلفني مليارات وتستفيد منه وأنت واخد أرض متعدي عليها.. الكلام ده في مصر انتهى”،
جاء ذلك ردا علي التعديات علي منطقة كينج مريوط بالإسكندرية والتي تعوق عمل محور “أم زغيو”، مضيفا: موضوع تقنيين الأراضي اللي اتاخدت من كينج مريوط متتعملش إلا ما تتعرض عليا لأني هرجع بحيرات مصر تاني زي ما كانت، ولا يقنن الوضع في كينج مريوط إلا ما يتعرض عليا”.
وشدد الرئيس علي ضرورة حل مشكلة المقام ومشكلة سوق الحضرة على محور المحمودية: “محدش يتعرض للدولة في مصلحة الناس وإلا متبقاش دولة”. منوها بضرورة حل مشكلة المقام ومشكلة سوق الحضرة على محور المحمودية، “محدش يتعرض للدولة في مصلحة الناس وإلا متبقاش دولة”،
وشدد الرئيس السيسي على أنه يجب القضاء على ظاهرة التعدي على أراضي الدولة، مضيفا: “والله المفروض ما يسيب محافظ متر أرض لحد، أنا ضد الفوضى والإهمال واللادولة، لكن أنا مش ضد حد، وكل الناس اللي في مصر أهلي وحبايبي وإخواتي، لكن الناس بتعمل في الدولة اللي هي عاوزاه، وهو ده لا يليق بالدولة.. أنت بتاخد ليه حاجة مش بتاعتك وأنا أسيبك تاخدها ليه، أومال إحنا بنعمل إيه”.
وأضاف السيسي، “شفت بالطيارة وأنا جاي مزارع سمكية في كينج مريوط، وكل المزارع السمكية أو الأغلب منها المتحصلات اللي اتوافق عليها من الدولة مش بتتدفع لأن الدولة مش موجودة.. عرفت الكلام ده من بحيرة المنزلة، ومش هنعمل مزارع سمك في البحيرات، إحنا بنعمل مياة نظيفه”.
وتابع السيسي: “لو أي حد عاوز ياخد حاجة ياخدها، أومال إحنا قاعدين بنعمل إيه، والله العظيم أنا ما هسيب لابني جنيه ولا لنفسي.. ده حرام، ونروح نحج ونعمل عمرة وأنت تاخد مال مش بتاعك”.
شارك هذا الموضوع :
